Banco de préstamo de libros da ANPA
Prezadas familias:
Xa tedes á vosa disposición o formulario para reservar os libros de texto do banco de préstamo da ANPA.
Poden reservar os libros no banco de préstamo da ANPA todas as familias de escolares de 3º a 6º de Primaria que:
- Solicitaron os libros ao FondoLibros da Xunta, pero non lles concederon ningún libro.
- Solicitaron os libros ao FondoLibros da Xunta, pero só lles concederon parcialmente algún libro.
- Non solicitaron o FondoLibros da Xunta.
As solicitantes do FondoLibros da Xunta, consultade previamente nas listas expostas na entrada do centro se tedes ou non libros concedidos. Se tedes concedido algún, solicitade á ANPA só os que non vos concederan.
Tedes ata o 31 de xullo para cubrir o formulario. Unha vez enviado, non tedes que facer nada máis, recibiredes un correo a principio de curso coa confirmación (unha vez se faga a comprobación de existencias, non é automático). Lembrade que os caderniños escribibles non están incluidos neste préstamo e deben ser adquiridos pola vosa conta.
Facédeo o antes posible para que poidamos asegurarnos de ter listo todo para o comezo das clases e facilitar o proceso de organización e entrega dos libros.
Se tedes algunha pregunta ou precisades máis información sobre este ou outros temas, non dubidedes en poñervos en contacto con nós a través das nosas canles de comunicación (teléfono, formulario de contacto da web, mail e RRSS).
Desexamos que esteades a pasar un bo verán.
Máis novas pronto!