Candidaturas Renovación Consello Escolar

Prezadas familias:

Agardamos que poiderades desfrutar destes días de descanso e que, en familia e cos vosos nenos e nenas, gozásedes das celebracións de Samaín durante este merecido parón.

Queremos lembrarvos que o prazo para presentar candidaturas á renovación de dous postos de representación de familias no Consello Escolar do noso cole continúa aberto durante o día de hoxe e pecharase ao final da xornada. Desde a ANPA, apoiamos con entusiasmo a participación de novas familias interesadas en formar parte do Consello, especialmente aquelas que non forman parte da Xunta Directiva da ANPA, pois esta xa ten asegurada a súa representación.

Animamos especialmente ás familias dos cursos máis baixos a implicarse, para que poidan iniciar un percorrido de colaboración máis longo no centro. Sabemos que o que fortalece e enriquece a nosa Comunidade Educativa é a participación activa e comprometida do maior número de familias posible. Esta proposta foi presentada ao Consello Escolar, onde contou cun apoio rotundo.

A vosa participación é esencial para construír, entre todas as familias, un proxecto educativo que creza e se fortaleza ao longo do tempo. Animámosvos a presentar e apoiar as novas candidaturas, e a participar activamente nestas eleccións.

Medramos e enriquecémonos coa colaboración de todas e todos. Contamos convosco!

Seguide con atención as novas que se irán publicando.

Moitas grazas.