Ludiverso Infantil 2024-25: Primeiro Trimestre

Ola amigos Terrícolas!

En Ludiverso Infantil, recibimos vídeos de Sully, un extraterrestre que nos pedía axuda para chegar ao planeta Ceres a tempo para os aniversarios do seu curmán E.T.

Para poder axudarlle, tivemos que descubrir moitas cousas sobre o Sistema Solar, os planetas, foguetes, astronautas, e ata nos coamos na NASA para poder darnos un paseo polo espazo! Toda a información descubrímola xuntos, traballando en equipo: facendo circuítos (onde, se superabamos xuntos as probas, dábannos un dato importante de cada planeta), quebracabezas, manualidades, usando a pantalla para xogar ao memory do universo e todo para poder estar listos para enviar todo o que descubríramos a Sully. Cada semana tiñamos un vídeo novo del, dicíndonos que grazas a nós, cada vez estaba máis preto de Ceres, e pedíanos que dedicaramos a semana a buscar máis información sobre o espazo.

Estas actividades axudáronnos a desenvolver a nosa capacidade de traballo en equipo, o manexo da frustración, a cooperación, a creatividade, a inclusión e, por suposto... a diversión!

Esperamos con moitas ganas que chegue xaneiro, para ver que máis cousas nos van sorprender!

Vémonos pronto!