Dende a ANPA, queremos comunicarvos con moita ilusión a posta en marcha dun novo espazo de atención presencial para todas as familias. Con esta iniciativa, pretendemos achegarnos un pouco máis a vós, co desexo de escoitar as vosas inquietudes, recibir as vosas suxestións e apoiarvos en todo o que estea na nosa man para mellorar a experiencia...
Agardamos que poiderades desfrutar destes días de descanso e que, en familia e cos vosos nenos e nenas, gozásedes das celebracións de Samaín durante este merecido parón.
Con moita ilusión iniciamos esta semana, na que darán comezo as actividades extraescolares o martes 1 de outubro. Temos a seguridade de que serán un punto de relación, aprendizaxe e diversión para todas as nenas e nenos do noso cole. Este ano tamén participarán as nenas e nenos do CEIP María Pita.
Desde a Concellería de Educación, Formación e Innovación Tecnolóxica do Concello da Coruña, animan a todas as alumnas e alumnos do centro para participar na próxima edición da xa clásica carreira popular Coruña10, que terá lugar o vindeiro domingo día 6 de outubro.
Trasladamos nesta nova a información da Concellería de Deportes do Concello da Coruña, sobre o inicio do Programa de Natación Escolar en centros educativos públicos.
Como parte dunha comunidade educativa que sempre afronta con éxito todos os retos, necesitamos un último empurrón para pechar as actividades do cadro oficial proposto. Estades a tempo de apuntarvos nas seguintes actividades, que quedaron a pouco de acadar o número mínimo de inscricións:
Como sabedes, hoxe tivo lugar a xuntanza informativa sobre as actividades extraescolares públicas e privadas que se ofertan para este curso 2024-2025. Agardamos que as familias que puidestes asistir atopásedes resposta a todas as vosas dúbidas e inquedanzas. Esta nova ten como finalidade servir de resumo para as familias asistentes e de información...
📢 Informamos de que a xuntanza de Actividades Extraescolares, inicialmente prevista para o luns 16 de setembro, adiántase para este xoves 12 de setembro, no mesmo horario, ás 16:00 h.🔄
En poucos días dará comezo o novo curso escolar, un tempo que agardamos con ilusión, cheo de oportunidades para que os nosos nenos e nenas sigan medrando e aprendendo. Confiamos en que desfrutarades dun verán inesquecible, compartindo momentos únicos cos vosos familiares e amigos.
Case sen darnos conta, que axiña chegou setembro! Agardamos que todas poiderades desfrutar das vacacións de verán. Falta xa pouquiño para iniciar un novo curso, que afrontaremos con ilusión e entusiasmo. Tal e como vos adiantamos, para facilitarvos o comezo do curso 2024-2025 do próximo 11 de setembro traemos nesta nova toda a información destacada...
Cando xa estamos ás portas do inicio deste novo curso escolar 2024-2025, dende todo o equipo da ANPA agardamos que esteades gozando do remate das vacacións e compartimos toda a nosa ilusión e enerxía coas familias, para que este novo curso teña un inicio moi especial, no que o discorrer das obras do patio nos dará a...
🪪 Xa está habilitada a alta ou renovación de familias socias da ANPA para o curso 2024-2025.
O periodo de alta ou renovación dos servizos de comedor, madrugadores, cambiadores e conciliación comedor xa está aberto para o curso 2024-2025. Estas xestións debem facerse directamente con Arume, a través da aplicación Colechef.
Xa tedes á vosa disposición o formulario para reservar os libros de texto do banco de préstamo da ANPA.
Moitas grazas a todas as familias que participastes este ano nalgunha das actividades extraescolares, pola vosa implicación e participación enviando cuberta a enquisa de valoración das mesmas. Grazas a este traballo en equipo podemos seguir mellorando as actividades extraescolares.
Temos o pracer de convidarvos á festa de fin de curso:
Comprácenos convocarvos a todos os socios e socias á asemblea xeral ordinaria da ANPA que terá lugar o martes 25 de xuño de 2024, ás 15:30 en primeira convocatoria e ás 16:00 en segunda convocatoria, na biblioteca do colexio, coa seguinte orde do día:
O curso académico está a piques de rematar, pero antes temos que anunciarvos varias datas, nas que terán lugar os seguintes importantes e agardados eventos:
Cando queda xa menos dun mes para rematar este curso, como cada ano, precisamos da vosa participación e colaboración. No noso compromiso constante de transparencia e de acadar uns servizos de calidade e calidez para os nenos e nenas do noso centro, precisamos da vosa voz e das vosas opinións para seguir mellorando.
No día de onte publicouse no DOG a convocatoria do fondo solidario de libros de texto (para alumnado matriculado en 3º, 4º, 5º e 6º de Educación Primaria), das axudas para adquirir libros de texto (para alumnado matriculado en 1º e 2º de Educación Primaria) e para adquirir material escolar (alumnado matriculado en Primaria) para o curso escolar...
Trasladamos nesta nova a información do Concello da Coruña e da Federación de ANPAs, sobre o prazo de preinscrición nas diferentes opcións de campamentos de verán 2024.
As familias de sexto pídennos que vos fagamos chegar a seguinte información importante relativa a un erro nas rifas 👇
Tal e como se informa na web do centro, dende o 30 de abril ata o 13 de setembro de 2024 estará aberto o prazo de presentación de solicitudes das Axudas para alumnado con Necesidade Específica de Apoio Educativo, para o curso 2024-2025, convocadas polo Ministerio de Educación, Formación Profesional e Deportes.
Ata o 8 de maio está aberto o prazo para a solicitude das bolsas de comedor escolar para o vindeiro curso escolar 2024-2025 destinadas ao alumnado empadroado no Concello da Coruña.
💓Un ano máis, o noso cole participa signando unha canción no concurso "Cantamos con las Manos" que organiza a Federación de Asociacións de Persoas Xordas de Galicia.
O alumnado de sexto de primaria convídavos a participar, este venres 19 de abril ás 18:00 horas, nun mercadiño de segunda man que terá lugar no patio do noso cole. Esta é xa a última actividade para recadar fondos para a excursión de fin de curso que realizarán no mes de maio 🌏
Queremos comezar a semana compartindo con toda a comunidade educativa a grande nova da saída a licitación das obras de transformación do patio do noso colexio.
Como sabedes, a nosa comunidade educativa leva dende o curso pasado comprometida cunha participación máis activa e real das nenas e nenos. Sumámonos no curso 2022-2023 ao proxecto europeo IMCITIZEN, co que continuamos neste curso escolar. A maiores, o cole sumouse a participar no Consello Local da Infancia da nosa cidade, CLIAC. As nenas e nenos de...
Lembrade que está aberto o prazo de inscrición no Circuito de Carreiras Populares Coruña Corre. O calendario desta edición é o seguinte:
A ANPA ven de recibir a axuda pola xestión dos servizos de comedor, correspondente ao curso anterior 2022-2023, por unha contía total de 12.794,64 €. Todos os alumnos e alumnas que fixeron uso do servizo durante o curso pasado (agás aqueles que xa contan coa concesión dunha bolsa comedor e teñen exención de pago) poden beneficiarse desta...
